Google-Pay-ફ્રોડ-શું-છે-તેનાથી-સુરક્ષિત-રહેવાની-ટિપ્સ

સોશિયલ એન્જિનિયરિંગની ટ્રિક્સ એક મોટી સમસ્યા છે, અને કેટલીકવાર સ્કેમર્સ તેને મેનિપુલેટ કરીને યુઝર્સને મુર્ખ બનાવીને તેમની અંગત જાણકારી મેળવી લે છે. Google Pay ફ્રોડએ એક રીઅલ-ટાઇમ ફ્રોડ છે જેમાં યુઝર્સને ખોટી લિંક મોકલીને ફ્રોડ કરવામાં આવે છે. તમે તમારા મિત્રો અને પરિવારને પૈસા મોકલવા માટે Google Payનો ઉપયોગ કરી શકો છો, પરંતુ સ્કેમર્સ તમારા પ્રિયજનો તરીકે ઓળખ બનાવી શકે છે તેવી થોડી શક્યતાઓ છે. આ ગાઈડમાં Google ફ્રોડ શું છે, અનધિકૃત લેવડ-દેવડથી પોતાને કેવી રીતે સુરક્ષિત કરવું અને UPI ફ્રોડની ફરિયાદો દાખલ કરવા માટે તમે જે પગલાં લઈ શકો તેને આવરી લેવામાં આવશે.

તમને ખબર છે? Google Pay શરૂઆતમાં સપ્ટેમ્બર 2017માં Tez તરીકે લોન્ચ કરવામાં આવ્યું હતું.

Google Pay ફ્રોડ શું છે?

Google Pay ફ્રોડ કોઈપણ સ્કેમ તરીકે વર્ગીકૃત કરી શકાય છે જે ફ્રોડ કરનારાઓ પીડિતોને એપ દ્વારા નાણાં ટ્રાન્સફર કરવા માટે લાલચ આપે છે અથવા ફ્રોડ કરે છે. કોવિડ-19 ની મહામારીએ વ્યવસાયો ચલાવવાની રીત બદલી નાખી છે, ઘણા માલિકો પેમેન્ટના ડિજિટલ મોડમાં સંક્રમણ કરવાનું પસંદ કરે છે. છેલ્લા 2 વર્ષમાં મોબાઈલ વોલેટ એપ્સે ધ્યાન ખેંચ્યું છે અને Google Pay ટ્રાન્ઝેક્શન નિયમિત ક્રેડિટ/ડેબિટ કાર્ડ દ્વારા પ્રોસેસ કરવામાં આવે છે. 50,000 થી વધુ વેબસાઇટ્સ ઑનલાઇન Google Pay UPI ને ચુકવણીના મોડ તરીકે સ્વીકારે છે જેનો અર્થ છે કે સ્કેમર્સ પાસે યુઝર્સને છેતરવા અને તેમના નાણાંની ચોરી કરવાની પુષ્કળ તકો છે. જેમ જેમ મોબાઈલ વોલેટનો ઉપયોગ વધ્યો છે, ગ્રાહકોએ સમજવાની જરૂર છે કે આ વોલેટ્સ કેવી રીતે કાર્ય કરે છે, જેમાં તેમના એકાઉન્ટ્સ સુરક્ષિત રહે અને કોઈ સમસ્યા ન આવે તેવા પગલાં લેવાની જરૂર છે.

Google Pay કેવી રીતે કામ કરે છે?

Google Pay યુઝર્સને ક્રેડિટ અને ડેબિટ કાર્ડની વિગતો દ્વારા તેમના બેંક એકાઉન્ટ નંબરને UPI સાથે લિંક કરવાની મંજૂરી આપીને કામ કરે છે. તે યુઝર્સને ખરીદી દરમિયાન QR કોડને સ્કેન કરીને અને ટ્રાન્ઝેક્શનને મંજૂરી આપીને POS ટર્મિનલ્સ પર ઓનલાઇન ચુકવણીઓ શરૂ કરાવે છે. એપ કોન્ટેક્ટલેસ પેમેન્ટ્સ કરવા માટે નિઅર-ફીલ્ડ કોમ્યુનિકેશન ટેકનોલોજીનો ઉપયોગ કરે છે અને તે ગ્રાહકોને વેપારીના ટર્મિનલ પર કોઈપણ કાગળો અથવા ડોક્યુમેન્ટ પર સહી કર્યા વિના પેપરલેસ રીતે પેમેન્ટ કરવા મદદ કરે છે.

યુઝર્સ તેમના Google Pay UPI માં ઘણા બધા બેંક એકાઉન્ટ્સ ઉમેરી શકે છે અને એપ્લિકેશન વર્ચ્યુઅલ એકાઉન્ટ નંબર જનરેટ કરે છે જેને યુઝર્સ બીજા યુઝર્સને ડિજિટલ પેમેન્ટને મોકલવા માટે શેર કરી શકે છે. પેમેન્ટ મોકલવા માટે, યુઝર્સ તેમના UPI હેન્ડલને શેર કરવાની જરૂર પડશે. અને જ્યારે પૈસા ટ્રાન્સફર કરવામાં આવે છે, ત્યારે તેઓએ પેમેન્ટની ચકાસણી કરવી પડશે. જો કે, લોકો યુઝર્સને મની ટ્રાન્સફર રિક્વેસ્ટ મોકલી શકે છે અને પેમેન્ટ માંગી શકે છે. યુઝર્સે તેમને એપ્લિકેશન દ્વારા પાસ કરવાની જરૂર છે અને એકવાર થઈ ગયા પછી, આ પેમેન્ટ ઓટોમેટિક પ્રોસેસ કરવામાં આવે છે. ટ્રાન્ઝેક્શન ઇતિહાસ યુઝર્સને એપ્લિકેશન દ્વારા બીજા લોકોને કરવામાં આવેલી તેમની Google Pay પેમેન્ટની સંપૂર્ણ સૂચિ જોવા આપે છે.

શું Google Pay સુરક્ષિત છે?

Google Pay ડિઝાઇન દ્વારા સુરક્ષિત છે કારણ કે બધા જ પેમેન્ટ વિગતો ખાનગી સર્વર પર રેકોર્ડ થાય છે. જ્યારે શેર કરવામાં આવે છે, ત્યારે વર્ચ્યુઅલ નંબર અન્ય લોકોને બેંક વિગતો જાહેર કરવાની જરૂરિયાતને અટકાવે છે. Google Pay પાસે સ્ક્રીન લોક મિકેનિઝમ અને PIN લોક વિકલ્પ છે જે એપને એક્સેસ કરવાનો પ્રયાસ કરી રહેલા લોકો માટે વિશેષ સુરક્ષામાં ઉમેરો કરે છે.

ખાતામાં પૈસા ટ્રાન્સફર કરતા પહેલા UPI પિન દાખલ કરવાનો રહેશે. જો યુઝરનો ફોન ખોવાઈ જાય કે ચોરાઈ જાય, તો એપ તેને કોઈપણ રિમોટ લોકેશન પરથી લોક કરવા માટે 'Google Find My Device' વિકલ્પ આપે છે. સ્કેમર્સને યુઝર્સ સાથે વધુ ચેડા કરતા અટકાવવા તેમના Google એકાઉન્ટમાંથી ફોર્સથી લોગ આઉટ કરી શકે છે અને તેમનો ડેટા હટાવી શકે છે. એપ્લિકેશન દ્વારા કરવામાં આવતા બધા જ પેમેન્ટ સંપૂર્ણપણે એન્ક્રિપ્ટેડ છે.

Google Pay ફ્રોડથી કેવી રીતે સુરક્ષિત રહેવું

Google પે ફ્રોડ સ્કીમ્સથી સુરક્ષિત રહેવામાં મદદ કરવા માટે, નીચે આપેલ ગાઈડલાઈન્સને ફોલો કરો:

• તમારો Google Pay OTP શેર કરશો નહીં: તમારો Google Pay OTP ખાનગી રાખવો જોઈએ અને કોઈની સાથે શેર ન કરવો જોઈએ. ખાતરી કરો કે તમારો ડિવાઈસ સુરક્ષિત છે અને લોક-સ્ક્રીન સુરક્ષિત છે. તમે નથી ઈચ્છતા કે કોઈ તમારા સ્માર્ટફોનની ફિજીકલ એક્સેસ મેળવે અને તમારા લોગ-ઈન OTP સાથે હેન્ડ-ઓન ​​મેળવે.
• મની ટ્રાન્સફર સ્કેમ્સમાં પડશો નહીં: સ્કેમર્સ ઘણીવાર ખરીદદારોને માલસામાન અને સેવાઓ વેચવા માટે મની ટ્રાન્સફર પેમેન્ટ કરવા દબાણ કરે છે. તમે જાણતા ન હોય તેવા લોકોને ક્યારેય Google પેમેન્ટ્સ શરૂ કરશો નહીં અને માત્ર વિશ્વસનીય વ્યક્તિઓ સાથે જ વ્યવહારો કરવા માટે એપ્લિકેશનનો ઉપયોગ કરો. જો તમે તેમને વ્યક્તિગત રીતે જાણતા નથી, તો Google તેમને ચૂકવણી કરશો નહીં.
• ભાવનાઓ પર કામ કરશો નહીં: સ્કેમર્સ તમને લલચાવવા માટે ઘણીવાર મનોવૈજ્ઞાનિક આઈડિયાનો ઉપયોગ કરે છે. કેટલીકવાર તેઓ વ્યક્તિને ડરાવી શકે છે અથવા કટોકટીની પરિસ્થિતી ઉભી કરી શકે છે. સાવચેત રહો અને આ પ્રકારની લાલચમાં ન પડો. બેસ્ટ વ્યૂહરચના એ છે કે અજાણ્યા મેસેજો અને લિંક્સ વાંચવી અથવા ખોલવી નહીં. તેને કાઢી નાખો, હટાવી દો અને આગળ વધો.
• મજબૂત પાસવર્ડનો ઉપયોગ કરો: જો તમારા પાસવર્ડનું અનુમાન લગાવવું સરળ હોય, તો સંભવ છે કે તમારૂ એકાઉન્ટ હેક થઈ શકે છે. તમારો પાસવર્ડ સેટ કરવા માટે કેરેક્ટર, આંકડાઓ અને સ્પેશિયલ કેરેક્ટરનો ઉપયોગ કરો. લોક સ્ક્રીન એપનો ઉપયોગ કરો અને તમારા ડિવાઈસમાં લોક ઓપન થવાનું ટાળવા માટે તેને વિઝ્યુઅલ પેટર્ન સાથે સક્ષમ કરો. તમારે સુરક્ષિત રહેવા માટે દર મહિને એકવાર તમારો પાસવર્ડ બદલવાની પ્રેક્ટિસ કરવી જોઈએ. ઉપરાંત, અન્ય મોબાઇલ એપ પર તમારા Google Pay UPI પાસવર્ડનો ઉપયોગ કરવાનું ટાળો.
• તમારી એપ અપડેટ કરવાનું ભૂલશો નહીં: જ્યારે પણ નવી અપડેટ અથવા પેચ બહાર આવે ત્યારે તમારા Google Pay UPIને અપડેટ કરવાની જરૂર છે. અપડેટ ન કરવાથી તેને વિવિધ એપની નબળાઈઓ અને હેક થવાની શક્યતાઓ વધી જાય છે. તમારી એપ્લિકેશન અપ-ટૂ-ડેટ છે તેની ખાતરી કરીને તમે ફ્રોડ ટ્રાન્ઝેક્શનને અટકાવી શકો છો.
• અજાણી પેમેન્ટ વિનંતીઓને મંજુર કરવાનું ટાળો: લોકો UPI દ્વારા તમને મની ટ્રાન્સફરની વિનંતીઓ કરી શકે છે. Google Pay UPI વિનંતીને મંજૂર કરતાં પહેલાં બે વાર ચેક કરો અને હંમેશા ક્રોસચેક કરવાની પ્રેક્ટિસ કરો.
• ખરાબ સોફ્ટવેર ડાઉનલોડ કરશો નહીં: સ્કેમર્સ તમને સપોર્ટ મેળવવા અથવા Google Pay UPI સંબંધિત સમસ્યાઓને ઠીક કરવા માટે "ખાસ એપ્લિકેશન" ડાઉનલોડ કરવાનું કહી શકે છે. તમે તેની સાથે કનેક્ટ કરવાનો પ્રયાસ કરશો નહીં અને આવી ફાઇલોને ડાઉનલોડ કરવાનું ટાળો. જો તમે આ ફાઇલોને ડાઉનલોડ કરો છો, તો તેઓ બેકગ્રાઉન્ડમાં માલવેર ઇન્સ્ટોલ કરે છે અને સ્કેમર્સને તમારા બધા જ વિકલ્પોનો એક્સેસ મળી જાય છે.
• નકલી હેલ્પલાઇન નંબરોથી સાવધ રહો: ​​આ રેસ્ટોરન્ટ અને બહારના સ્થળોએ ઉપયોગમાં લેવાતો સામાન્ય સ્કેમ છે. જ્યારે તમે બહાર ફોન નંબર જુઓ છો, ત્યારે Google સૂચિ તરીકે દર્શાવવામાં આવેલ નંબર હોઈ શકે છે (જે વેરિફાય કરેલા હોતા નથી પરંતુ તે કોઈ સ્કેમરનો હોઈ શકે છે.) જ્યારે તમે તેને કોલ કરો છો, ત્યારે સ્કેમર ગ્રાહક હેલ્પ પ્રતિનિધિ હોવાનો ઢોંગ કરે છે અને યુઝર્સને UPI દ્વારા પેમેન્ટ કરવાનું કહીને નુકસાન પહોચાડે છે.
• નકલી UPI: નકલી UPI એ એપ છે જે Google Pay ની સાથે મળતી હોય છે અને એપ સ્ટોર પર લિસ્ટેડ હોય છે. જ્યારે નવા યુઝર્સ તેને ડાઉનલોડ કરે છે અને રજિસ્ટર્ડ કરે છે, ત્યારે સ્કેમરને તેમની સંપૂર્ણ બેંક વિગતોનું એક્સેસ મળે છે. મોટા ભાગના કિસ્સાઓમાં, આ એપ્સ શોધવામાં સરળ છે કારણ કે તેઓને Google Play Store પર ઓછા ડાઉનલોડ્સ અને ખરાબ રિવ્યુ હોય છે. જો નવા યુઝર્સ Google Pay એપ વિશે વધુ જાણતા ન હોય તો તેઓ આનો શિકાર બને છે. અન્ય જોખમ એ છે કે વેરિફાય વેબસાઇટ્સ પરથી નકલી Google Play એપ ડાઉનલોડ કરવી અને તેને વપરાશકર્તાનો ડેટા ચોરવા મદદ કરે છે. સાઇન અપ કરતા પહેલા અને ઓનલાઈન UPI ટ્રાન્ઝેક્શન કરતા પહેલા પ્લે સ્ટોર પરથી લિસ્ટેડ એપ ડાઉનલોડ કરવી હંમેશા સારી પ્રેક્ટિસ છે.

જો તમે Google Pay ફ્રોડનો શિકાર બન્યા હોય તો શું કરવું?

જો તમને શંકા હોય કે તમારી સાથે ફ્રોડ થયું છે અથવા કોઈ અનઓફિશિયલ ટ્રાન્ઝેક્શન થયું છે, તો તમે નીચેના પગલાંની મદદ લઈ શકો છો: જે બેંક અથવા નાણાકીય સંસ્થા સાથે તમારું Google Pay એકાઉન્ટ લિંક થયેલ છે તેનો સંપર્ક કરો. તમે રિપોર્ટ એક્ટિવિટી-Google Pay હેલ્પ પરના ફોર્મનો ઉપયોગ કરી શકો છો અને Googleને આ બાબતની જાણ કરવા માટે તેને સબમિટ કરી શકો છો. બેંકો ફ્રોડ ટ્રાન્ઝેક્શનની જાણકારી મેળવવા માટે 24 x 7 સપોર્ટ કરે છે. તમારા તરફથી ફ્રોડ થયેલ ટ્રાન્ઝેક્શન વિશે ફરિયાદ નોંધાવો અને તમારા અધિકારક્ષેત્રમાં સાયબર પોલીસ વિભાગનો સંપર્ક કરો.

તમારું UPI ટ્રાન્ઝેક્શન ID ટ્રેસ કરો અને જુઓ કે તમારા એકાઉન્ટમાંથી કોણે પૈસા ડેબિટ કર્યા છે. સંભવ છે કે, તમે તેમની બેંકનો સંપર્ક કરી શકો છો અને આ બાબતની જાણ કરી શકો છો. FIR દાખલ કરવા અને પુરાવા લાવવા માટે તમારા નજીકના પોલીસ સ્ટેશનની મુલાકાત લો. કેસની ફાઈલ બીજી બેંકને ફોરવર્ડ કરો અને વિનંતી કરો કે તેઓ મામલો ઉઠાવે. એવી ઘણી સંભાવના છે કે સ્કેમરને તેમની બેંકના કોલનો જવાબ આપવા અને ફોલોઅપ કરવાની ફરજ પાડવામાં આવશે.

નિષ્કર્ષ 

હવે તમે જાણી લીધુ છે કે સ્કેમર્સ Google Pay UPI યુઝર્સને કેવી રીતે ટાર્ગેટ કરે છે, તમે તેને રોકવા માટે જરૂરી પગલાં લઈ શકો છો. નવીનતમ અપડેટ્સ, સમાચાર બ્લોગ્સ અને માઈક્રો, નાના અને મધ્યમ વ્યવસાયો (MSMEs), બિઝનેસ ટિપ્સ, ઈન્કમટેક્સ, GST, સેલેરી અને એકાઉન્ટિંદ સાથે સંબંધિત લેખો માટે Khatabook ને ફોલો કરો.

કૃપા કરી તમને કાર્ડ આપતી બેંકને કેસની જાણ કરો અથવા નજીકના સાયબર ક્રાઈમનો સંપર્ક કરો. કેસની જાણ કરવા માટે cybercell@khatabook.com પર ઈમેલ મોકલો.

મહત્વપૂર્ણ: OTP, PIN અથવા અન્ય કોઈપણ કોડ કે જે તમે SMS અથવા અન્ય ચેનલો દ્વારા મેળવો છો તે ક્યારેય શેર કરશો નહીં. પબ્લિક પ્લેટફોર્મ પર તમારો એકાઉન્ટ નંબર અથવા ક્રેડિટ અને ડેબિટ કાર્ડની વિગતો ક્યારેય શેર કરશો નહીં.