written by Khatabook | July 8, 2021

ఈ-వె బిల్లు అంటే ఏమిటి? ఈ-వె బిల్లును జనరేట్ చేయడం ఎలా?

ఈ-వే బిల్లు అంటే ఏమిటి?

ఎలక్ట్రానిక్ వే బిల్లు లేదా, ఈ-వే బిల్లు అనేది గూడ్స్ యొక్క రవాణాని నియంత్రించేందుకు ప్రవేశపెట్టబడిన ఒక మెకానిజం. డిజిటల్ ఇంటర్ ఫేస్ సహాయంతో వస్తువుల రవాణాను ప్రారంభించే వ్యక్తి సంబంధిత సమాచారాన్ని అప్‌లోడ్ చేయడం ద్వారా జిఎస్టి పోర్టల్‌లో ఈ-వే బిల్లును ఉత్పత్తి చేస్తారు. సరుకుల తరలింపు ప్రారంభానికి ముందే ఈ-వే బిల్లులు చేయబడతాయి. 

ఈ-వే బిల్లు నెంబరు (ఈబిఎన్) అంటే ఏమిటి?

ఒక వ్యక్తి ఈ-వే బిల్లును జనరేట్ చేసినప్పుడు పోర్టల్ ఒక ప్రత్యేకమైన ఈ-వే బిల్ నెంబరు లేదా అతనికి కేటాయించబడిన ఈబిఎన్ వస్తుంది, ఇది సప్లయర్, ట్రాన్స్ పోర్టర్ మరియు గ్రహీతవద్ద ఉండాలి.

ఈ-వే బిల్లు యొక్క ప్రాముఖ్యత

గూడ్స్ అండ్ సర్వీస్ ట్యాక్స్ (జిఎస్‌టి) అనేది కొత్త చట్టం. అనేక సంక్లిష్టతలు ఉన్న చట్టం. కాబట్టి దేశవ్యాప్తంగా ఎలాంటి అవాంతరాలు లేకుండా వస్తువుల తరలింపు జరిగేలా ఈ-వే బిల్లు యంత్రాంగాన్ని ప్రవేశపెట్టారు. దేశంలో పన్ను ఎగవేతను నియంత్రించే డమ్మీ ఇన్‌వాయిస్‌లను తగ్గించి, వస్తువుల కదలికను ట్రాక్ చేయడానికి ఇది సమర్థవంతమైన సాధనంగా పనిచేస్తుంది. 

ఈ-వే బిల్లు యొక్క ప్రాముఖ్యత

ఇంటర్ స్టేట్ మరియు ఇంట్రాస్టేట్ ట్రాన్స్ పోర్ట్ లేదా గూడ్స్ సప్లై, ఈ రెండింటికీ ఈవే బిల్లు సిస్టమ్ వర్తిస్తుంది. తమ రాష్ట్రము లోనే జరిగే సరుకుల తరలింపు విషయంలో, జిఎస్టి నిబంధనల ప్రకారం సంబంధిత రాష్ట్రం కావాలంటే ఈ రుసుమును దీనిని తొలగించవచ్చు.  

ఈ బిల్లును ఈ విధంగా అప్లై చేస్తారు: రూ. 50,000 మించి విలువ కలిగిన సరుకు గూడ్స్ వాహనంలో లేదా కన్వేయన్స్ మార్గాన రవాణా చేయడానికి సరుకుకు బాధ్యత వహించే వ్యక్తి ఈ-వే బిల్లును జనరేట్ చేయాల్సి ఉంటుంది.

ఈ-వే బిల్లు విషయమై, సప్లై యొక్క నిర్వచనాన్ని సిజిఎస్‌టి చట్టం, 2017 ఇలా వివరిస్తుంది:

  1. వ్యాపార విషయమై తయారు చేయబడిన వస్తువులు, లేదా
  2. వ్యాపారం కోసం, లేదా తదుపరి వ్యాపార కార్యక్రమాల కోసం చేయబడిన వస్తువులు,
  3. లేదా ఎలాంటి ఉద్దేశం లేకుండా తయారు చేయబడిన వస్తువుల

అమ్మకం, మార్పిడి, బదిలీ, అద్దె, లీజు, లైసెన్స్ లేదా డిస్పోజల్ కొరకు ఉద్దేశించిన అన్ని రకాల గూడ్స్ లేదా సర్వీస్‌ల రవాణాలో ఉన్న వస్తువులు. 

ఈ-వే బిల్లును ఎప్పుడు, ఎవరు జనరేట్ చేయాల్సి ఉంటుంది?

సిజిఎస్‌టి నిబంధనల ప్రకారం,

  1. రూ. 50,000 మించిన విలువ కలిగిన కన్‌సైన్‌మెంట్ గూడ్స్‌ని రవాణా చేయడానికి రిజిస్టర్డ్ అయిన ఒక వ్యక్తి ఈ బిల్లును జనరేట్ చేయాల్సి ఉంటుంది. (అదే రాష్ట్రంలో జరిగే రవాణా విషయమై  ప్రతి రాష్ట్రానికి వేర్వేరు ఛార్జీలు ఉంటాయి)
  2. సప్లై, లేదా సప్లై కాకుండా ఇతర గూడ్స్ డెలివరీ చేసినట్లయినా (రూల్ 55 చలాన్), లేదా నమోదు కాని వ్యక్తి నుంచి గూడ్స్ అందుకున్న పక్షాన బిల్లును జనరేట్ చేయాల్సి ఉంటుంది, పొందుకున్న వ్యక్తి బిల్ జనరేట్ చేయాల్సి ఉంటుంది. 
  3. ఈ-కామర్స్ ఆపరేటర్ లేదా కొరియర్ ఏజెన్సీ - ఈవే బిల్లును జనరేట్ చేయడానికి అర్హత ఉన్న ఒక రిజిస్టర్ కాబడిన వ్యక్తి ఈ కామర్స్ ఆపరేటర్ లేదా కొరియర్ ఏజెన్సీ లేదా ట్రాన్స్ పోర్టర్ వారి నుండి వివరాలను పొంది ఇ-వే బిల్లును జనరేట్ చేయవచ్చు.
  4. మరో రాష్ట్రంలో ఉన్న ఉద్యోగకి యజమాని గూడ్స్ పంపినట్లయితే కన్‌సైన్‌మెంట్ విలువతో సంబంధం లేకుండా, యజమాని లేదా ఉద్యోగి, ఎవరో ఒకరు ఈ-వే బిల్లును జనరేట్ చేయాల్సి ఉంటుంది.
  5. హస్తకళల విషయంలో, జిఎస్టి కింద రిజిస్టర్ చేసుకోవాల్సిన అవసరం లేని వ్యక్తి ద్వారా ఒక రాష్ట్రం లేదా కేంద్ర పాలిత ప్రాంతం నుంచి మరో రాష్ట్రం లేదా కేంద్ర పాలిత భూభాగానికి గూడ్స్ పంపుతున్నట్లు అయితే, కన్‌సైన్‌మెంట్ విలువతో సంబంధం లేకుండా పంపుతున్న వ్యక్తి ఈ-వే బిల్లును జనరేట్ చేయాల్సి ఉంటుంది.
  6. కన్‌సైన్‌మెంట్ విలువ రూ. 50,000 కంటే తక్కువగా ఉన్నప్పటికి, కావాలనుకుంటే, మీరు ఈవే బిల్లును జనరేట్ చేసుకోవచ్చు. 

ఈ-వే బిల్లుకు ఉండే నిర్మాణం

ఈవే బిల్లు పార్టు ఎ మరియు పార్ట్ బిగా విభజించబడి ఉంటుంది. ఆ వివరాలు GSTEWB-01 లో ఉంటాయి:

  • పార్ట్ A లో, సరఫరాదారు మరియు గ్రహీత యొక్క GSTIN సమాచారం, డిస్పాచ్ మరియు డెలివరీ ప్రదేశం, డాక్యుమెంట్ నెంబరు, డాక్యుమెంట్ తేదీ, గూడ్స్ యొక్క విలువ, హెచ్ఎస్ఎన్ కోడ్ మరియు రవాణాకు కారణం ఏంటనే వివరాలు అవసరం అవుతాయి.
  • పార్ట్ బిలో రోడ్డు రవాణా కొరకు ఉపయోగించే వాహనం నెంబరు (రైలు, ఎయిర్ లేదా పడవ మార్గాన వెళ్ళేవాటికి వర్తించదు) మరియు తాత్కాలిక వేహికల్ రిజిస్ట్రేషన్ లేదా డిఫెన్స్ వేహికల్ నెంబరు వంటి డాక్యుమెంట్ నెంబర్లు కావాలి. 
  • ఈవే బిల్లు ఫారం యొక్క పార్ట్ ఎని జిఎస్‌టి కింద రిజిస్టర్ అయిన ఎవరైనా నింపవచ్చు. కానీ పార్ట్ బిని గూడ్స్ ని స్వీకరించేవారు లేదా కన్‌సైనర్ మాత్రమే నింపాలి.
  • ఒకవేళ పంపించే వ్యక్తి నమోదు కాని వారైతే, గూడ్స్‌ని స్వీకరించే వారే ఈ-వే బిల్లును జనరేట్ చేయాలి. ఆ వ్యక్తే సరఫరాదారుగా నిబంధనలను పూర్తి చేయాల్సి ఉంటుంది.

కన్సాలిడేటెడ్ ఈ-వే బిల్లు

ఒకే కన్వేయన్స్ లేదా వేహికల్‌ని ఉపయోగించి ట్రాన్స్‌పోర్ట చేసే వ్యక్తి బహుళ కన్‌సైన్‌మెంట్‌లను రవాణా చేస్తున్నప్పుడు, కన్సాలిడేటెడ్ ఈవే బిల్లును జనరేట్ చేయడానికి ఫారం GSTEWB-02 ను ఉపయోగించవచ్చు. కానీ కన్సాలిడేటెడ్ ఈ-వె బిల్ జనరేట్ చేయడానికి ట్రాన్స్‌పోర్ట్ చేసే వారు అన్ని వ్యక్తిగత ఈవే బిల్లులను కలిగి ఉండాలి. ప్రతి కన్‌సైన్‌మెంట్ యొక్క ఈవే బిల్లు నెంబర్లను సబ్మిట్ చేసి మీరు కన్సాలిడేటెడ్ బిల్లును పొందగలరు. 

ఈ-వే బిల్లును జనరేట్ చేయడానికి అవసరమైన డాక్యుమెంట్‌లు

  1. గూడ్స్ యొక్క కన్‌సైన్‌మెంట్‌కు సంబంధించిన ఇన్‌వాయిస్ లేదా బిల్‌ ఆఫ్ సప్లై లేదా చలాన్, 
  2. రోడ్డు ద్వారా రవాణా చేసే పక్షములో ట్రాన్స్ పోర్టర్ ఐడి మరియు వాహన సంఖ్య
  3. రైలు, గాలి లేదా షిప్ ద్వారా ట్రాన్స్‌పోర్ట్ చేసేటట్లు అయితే రవాణా చేసే వారి ఐడి, ట్రాన్స్‌పోర్ట్ డాక్యుమెంట్ నెంబరు మరియు డాక్యుమెంట్ తేదీ.

ఈ-వే బిల్లు యొక్క చెల్లుబాటు

వాలిడిటీ పీరియడ్ ఈ క్రింది విధంగా ఉంటుంది:

కార్గో రకము

దూరం

చెలుబాటు వ్యవధి

ఓవర్ డైమెన్షనల్ కార్గో కానీ మల్టీమోడల్ షిప్‌మెంట్ అయ్యుండి, షిప్ ద్వారా రవాణా కనీసం ఒక్కసారైనా రవాణా చేయబడే షిప్‌మెంట్

100కిమీ వరకు

ఒక రోజు

ఓవర్ డైమెన్షనల్ కార్గో కానీ మల్టీమోడల్ షిప్‌మెంట్ అయ్యుండి, షిప్ ద్వారా రవాణా కనీసం ఒక్కసారైనా రవాణా చేయబడే షిప్‌మెంట్

ఆపై ప్రతీ 100 కిలోమీటర్లకు

ఒక అదనపు రోజు

మల్టీమోడల్ షిప్‌మెంట్‌లో ఓవర్ డైమెన్షనల్ కార్గో అయ్యుండి, షిప్ ద్వారా రవాణా కనీసం ఒక్కసారైనా రవాణా చేయబడే షిప్‌మెంట్

20 కిమీ వరకు

ఒక రోజు

మల్టీమోడల్ షిప్‌మెంట్‌లో ఓవర్ డైమెన్షనల్ కార్గో అయ్యుండి, షిప్ ద్వారా రవాణా కనీసం ఒక్కసారైనా రవాణా చేయబడే షిప్‌మెంట్

ఆపై ప్రతీ 20 కిమీ కి

ప్రతీ అదనపు రోజుకు

తాజా నోటిఫికేషన్ ప్రకారం, ఈ-వే బిల్లు గడువు ముగిసిన సమయం నుండి 8 గంటల్లోగా ఆ బిల్లు చెల్లుబాటు గడువును మళ్ళీ పొడిగించవచ్చు. కాబట్టి, కన్సాలిడేటెడ్ ఈ-వే బిల్లు యొక్క చెల్లుబాటు కాలాన్ని కచ్చితంగా నిర్ధారించడం కుదరదు. ఒక వ్యస్తువు యొక్క వ్యక్తిగత కన్‌సైన్‌మెంట్ వాలిడిటీ పీరియడ్ ప్రకారంగానే రవాణా జరగాలి. అలాగే వ్యక్తిగత కన్‌సైన్‌మెంట్ యొక్క వాలిడిటీ పీరియడ్‌కు అనుగుణంగానే కన్‌సైన్‌మెంట్ గమ్యస్థానానికి చేరుకోవాలి. 

అయితే, ట్రాన్స్‌పోర్ట్ చేసేవారు GSTEWB-01 ఫారం యొక్క పార్ట్ బిలోని వివరాలను మొదటిసారిగా అప్‌డేట్ చేసిన తరువాత మాత్రమే ఏదైనా వేరియబుల్ యొక్క వాలిడిటీ పీరియడ్ ప్రారంభం కావచ్చని ఒక పత్రికా ప్రకటన ద్వారా ప్రభుత్వం స్పష్టం చేసింది.

ఈ-వే బిల్లు జనరేట్ చేయాల్సిన అవసరం లేని సందర్భాలు

దిగువ పేర్కొన్న సందర్భాల్లో ఈ-వే బిల్లు జనరేట్ చేయాల్సిన అవసరం ఉండదు.

  1. మోటార్ వాహనం ద్వారా రవాణా చేయబడని గూడ్స్‌‌కు అవసరం ఉండదు,
  2. గూడ్స్‌ని పోర్ట్ మరియు ల్యాండ్ కస్టమ్స్ స్టేషన్ నుంచి కంటైనర్ డిపో (అదే ప్రాంతంలో) కస్టమ్స్ ద్వారా క్లియరెన్స్ కొరకు కంటైనర్ ఫ్రైట్ స్టేషన్‌కు రవాణా చేస్తున్నప్పుడు.
  3. సంబంధిత రాష్ట్రం రూపొందించిన మరియు అనుసరించే నిబంధనల కింద నోటిఫై చేయబడ్డ ప్రాంతాల్లో గూడ్స్‌ని ట్రాన్స్‌పోర్ట్ చేసినప్పుడు.
  4. రవాణా చేయబడ్డ గూడ్స్ మద్యం అయిన పక్షాన (ఆ సమయంలో ఈ చట్టం చెల్లదు) మరియు జిఎస్టి కౌన్సిల్ ద్వారా సిఫారసు చేయబడని పెట్రోలియం, ముడి చమురు, హై స్పీడ్ డీజిల్, మోటార్ స్పిరిట్ (సాధారణంగా పెట్రోల్ అని పిలుస్తారు) సహజ వాయువు మరియు ఏవియేషన్ టర్బైన్ ఇంధనం లాంటి వాటికి కూడా బిల్లు జనరేట్ చేయాల్సిన అవసరం లేదు.
  5. సిజిఎస్‌టి చట్టం, 2017 యొక్క నో-సప్లై షెడ్యూల్ 3 ప్రకారం పరిగణించబడే గూడ్స్ విషయంలో అవసరం లేదు.
  6. ముడి చమురు కాకుండా మినహాయింపు ఇవ్వబడిన ఇతర వస్తువుల రవాణాకు.
  7. కేంద్ర ప్రభుత్వం, రాష్ట్ర ప్రభుత్వం లేదా స్థానిక అధికారుల ద్వారా పంపించబడే కన్‌సైన్‌మెంట్‌ని రైల్వే ద్వారా రవాణా చేసినప్పుడు.
  8. నేపాల్ లేదా భూటాన్ నుండి వచ్చే వస్తువులు, లేదా ఆ దేశాలకు వెళ్లే వస్తువులకు.
  9. ఖాళీ కార్గో కంటైనర్ ల రవాణాకు.
  10. రక్షణ మంత్రిత్వ శాఖకు సంబంధించిన రవాణాకు.

దీనిని కూడా చదవండి: GST నంబర్: ప్రతీ వ్యాపారానికి కావాల్సిన 15 అంకెల నంబర్

కన్వేయన్స్‌కు బాధ్యత వహించే వ్యక్తి తీసుకెళ్లాల్సిన డాక్యుమెంట్‌లు

కన్వేయన్స్‌కు బాధ్యత వహించే వ్యక్తి ఈ క్రింది వాటిని తీసుకెళ్లాలి:

  1. సప్లై కొరకు గూడ్స్ యొక్క ఇన్‌వాయిస్ లేదా సప్లై బిల్లు (కంపోజిషన్ డీలర్ అయినట్లయితే) లేదా డెలివరీ బిల్ (సప్లై లేనట్లయితే)
  2. కమిషనర్ ఆదేశాల మేరకు, భౌతిక రూపంలో లేదా ఎలక్ట్రానిక్ రూపంలో ఉండే ఇ-వే బిల్లు నెంబరుతో అనుసంధానించబడి రవాణాలో ఉన్న సామగ్రితో పాటు వెళ్లబోయే రేడియో ఫ్రీక్వెన్సీ ఐడెంటిఫికేషన్ పరికరం.

రైలు మార్గాన, గాలి లేదా నౌక ద్వారా గూడ్స్ రవాణా అవుతున్నట్లు అయితే రెండో పాయింట్ వర్తించదు.

ఈ-వే బిల్లుయొక్క పార్ట్ బి అవసరం ఎప్పుడు ఉండదు?

సిజిఎస్టి నిబంధనల ప్రకారం, తదుపరి రవాణా చేసేందుకు గూడ్స్‌ని తయారీదారుల నుండి 50 కిలోమీటర్ల లోపు, అదే రాష్ట్రంలో ట్రాన్స్‌పోర్టర్‌, సప్లయర్ లేదా గ్రహీతకు రవాణా చేస్తున్నట్లు అయితే, GSTEWB-01 ఫామ్‌లో పార్ట్ బిలో రవాణా వివరాలను అందించాల్సిన అవసరం లేదు.

ఈ-వే బిల్లును ఆమోదించడం లేదా తిరస్కరించే విధానం

ఒకవేళ రిజిస్టర్ చేసుకున్నట్లయితే ఈ-వే బిల్లు యొక్క సమాచారం సప్లయర్ లేదా గ్రహీతకు తెలియజేయబడుతుంది. అలాగే ఆ సప్లయర్ లేదా గ్రహీత ఈ-వే బిల్లులో పేర్కొన్న విధంగా గూడ్స్‌ని తీసుకున్నట్టు గాని, లేదా తిరస్కరించినట్టు గాను తెలియజేయాల్సి ఉంటుంది.

ఒకవేళ సప్లయర్ లేదా గ్రహీత గూడ్స్ డెలివరీ అయినట్టు 72 లోపు గాని, లేదా గూడ్స్ డెలివరీ చేయడానికి ముందుగాని గూడ్స్‌ని అంగీకరించినట్టు లేదా తిరస్కరించినట్టు ధృవీకరించకపోతే, గూడ్స్ సమయానికి చేరిన వెంటనే డెలివరీ జరిగినట్టుగా భావించబడుతుంది.

ఈ-వే బిల్లు జనరేషన్ కొరకు చేస్తున్న కన్‌సైన్‌మెంట్ విలువను లెక్కించడం

  1. సిజిఎస్‌టి నిబంధనల ప్రకారంగా, కన్‌సైన్‌మెంట్ యొక్క విలువ, పేర్కొనబడ్డ కన్‌సైన్‌మెంట్‌కు సంబంధించి జారీ చేయబడ్డ ఇన్‌వాయిస్ లేదా సప్లై లేదా డెలివరీ చలాన్ బిల్లులో డిక్లేర్ చేయబడ్డ విలువగా చూస్తారు.
  2. ఇందులో కేంద్ర పన్ను రాష్ట్రం లేదా కేంద్ర పాలిత ప్రాంత పన్ను ఇంటిగ్రేటెడ్ ట్యాక్స్ మరియు సెస్ మొత్తం కూడా చేర్చబడుతుంది.
  3. ఒకవేళ ఇన్వాయిస్ గనుక గూడ్స్ లో ట్యాక్స్ వేయవలసిన మరియు వేయకుడని వస్తువులను వేర్వేరుగా ఉన్నట్టు గుర్తించి ఇవ్వబడితే, ట్యాక్స్ వేయకుడని వస్తువులను బిల్లు నుండి మినహాయించాలి.

ఈ-వే బిల్లును రద్దు చేయడం

ఈ-వే బిల్లులో ఇవ్వబడ్డ వివరాల ప్రకారం గూడ్స్ వివరాలు పూర్తిగా తెలియజేయనప్పుడు మాత్రమే ఈ-వే బిల్లును క్యాన్సిల్ చేయడానికి వీలవుతుంది. దీనిని కమిషనర్ ద్వారా నోటిఫై చేయబడ్డ ఫెసిలిటేషన్ సెంటర్ ద్వారా లేదా నేరుగా సంబంధిత వ్యక్తి కామన్ పోర్టల్‌లో ఎలక్ట్రానిక్‌గా క్యాన్సిల్ చేయవచ్చు. ఈ-వే బిల్లు ను ఉత్పత్తి చేసిన 24 గంటల్లోపు మాత్రమే మీరు క్యాన్సిల్ చేయడానికి వీలవుతుంది. అధికారులు సామాగ్రి రవాణాలో ఉందని ధృవీకరించినట్లయితే ఈ-వే బిల్లును రద్దు చేయడం వీలు కాదు.

ఈ-వే బిల్లు విషయంలో నియమాల ఉల్లంఘన

ఈ-వే బిల్లు విషయంలో నియమాలు ఉల్లంఘించిన వారు చట్టపరమైన పరిణామాలను ఎదుర్కోవలసి ఉంటుంది. ఈ-వే బిల్లు అవసరమైన సందర్భాలలో నిబంధనలకు అనుగుణంగా దానిని జారీ చేయనప్పుడు, దిగువ పేర్కొన్నవిధంగా పరిహారం చెల్లించవలసి ఉంటుంది:

పన్ను పరిధిలోకి వచ్చే ఏదైనా వస్తువులను రవాణా చేస్తూ, ఈ-వే బిల్లు లేని పక్షాన, ఆ రవాణాకు బాధ్యులైన వారు రూ. 10000 జరిమానా లేదా కట్టవలసిన పన్ను, ఈ రెండిటిలో ఏది ఎక్కువ అయితే దానిని చెల్లించవలసి ఉంటుంది. 

అలాగే, చట్టానికి వ్యక్తిరేకంగా ఏదైనా వస్తువులను ఎవరైనా వ్యక్తి రవాణా చేయడానికి చూసినా, లేక స్టోరు ఉంచుకున్నా, ఆ సామాగ్రిని స్వాధీనం చేసుకోవడం, వ్యక్తిని అదుపులో తీసుకోవడం, అలాగే రవాణాకు ఉపయోగించిన వాహనాన్ని సీజ్ చేయడం జరుగుతుంది.

ట్రాన్స్ షిప్ మెంట్ విషయంలో ఈ-వే బిల్లు జనరేషన్‌కు సంబంధించిన నిబంధనలు

ఒక కన్‌సైన్‌మెంట్‌ని వేర్వేరు ట్రాన్స్‌పోర్టర్ ఐడిలు కలిసిన బహుళ ట్రాన్స్‌పోర్టర్‌లతో రవాణా చేయవలసి వచ్చినప్పుడు, దానిని ట్రాన్స్ షిప్‌మెంట్ అని అంటారు. కన్‌సైనర్ లేదా గ్రహీత GSTEWB-01 ఫారం యొక్క పార్ట్ ఎలో వివరాలను అందించి, కన్‌సైన్‌మెంట్ తరువాతి ట్రాన్స్‌పోర్టర్ నుండి కదలడానికి,  కదలికల కొరకు అదే ఫారంలోని పార్ట్ బిలో సమాచారాన్ని అప్ డేట్ చేయడం కొరకు ట్రాన్స్ పోర్టర్ మరో రిజిస్టర్డ్ ట్రాన్స్ పోర్టర్ కు ఈ వే బిల్లు నెంబరును కేటాయిస్తుంది. మరొక ట్రాన్స్ పోర్టర్ కు రవాణా చేయబడిన వ్యక్తి ద్వారా తిరిగి కేటాయించబడిన తరువాత, ఆ నిర్దిష్ట కేటాయించబడిన ట్రాన్స్ పోర్టర్ కోసం అమ్మకందారుడు ఎటువంటి మార్పులు చేయలేడు. అందువల్ల యూజర్ విభిన్న ట్రాన్స్ పోర్టర్ ఐడి కొరకు విభిన్న డెలివరీ చలాన్ లను జనరేట్ చేయాలి మరియు ఇ-వే బిల్లులను కాదు, ఎందుకంటే సింగిల్ కన్ సైన్ మెంట్ కు విరుద్ధంగా విభిన్న ఇ-వే బిల్లులు GSTR-1 కొరకు డేటాను నమోదు చేయడంలో సమస్యలను సృష్టిస్తాయి.

ఈ-వే బిల్లును జనరేట్ చేసే విధానాలు

ఈ-వే బిల్లు జనరేషన్ కొరకు అంకితం చేయబడ్డ జిఎస్ టి పోర్టల్ ద్వారా ఈ-వే బిల్లులను ఆన్‌లైన్‌లో జనరేట్ చేయవచ్చు. దీనిని ఎస్ఎమ్ఎస్ ద్వారా కూడా చేయవచ్చు. ఈ-వే బిల్లును జనరేట్ చేయాల్సిన వ్యక్తి వెబ్‌సైట్ యాక్సెస్ చేసుకునే సదుపాయం లేనిపక్షాన ఈ-వే బిల్లును జనరేట్ చేయడం కొరకు ఎస్ఎమ్ఎస్ ఉపయోగించే సదుపాయం ఇవ్వబడుతుంది.

అత్యవసర సమయంలో మరియు చిన్న వ్యాపారాలకు ఇది బాగా పనికొస్తుంది. జనరేషన్ మాత్రమే కాదు, ఎస్ఎమ్ఎస్ ఫెసిలిటీ‌ని ఉపయోగించి ఈ-వే బిల్లు యొక్క మాడిఫికేషన్, అప్‌డేట్ మరియు డిలీట్ చేయవచ్చు.

బిల్-టు మరియు షిప్-టు లావాదేవీలు

సామాగ్రి రవాణా కావడానికి, ఎక్కడి నుండైతే డిస్పాచ్ జరుగుతుందో ఆ ప్రదేశ చిరునామానే గూడ్స్ యొక్క ఒరిజినల్ అడ్రెస్‌గా భావిస్తారు.

షిప్పింగ్ జరుగుతున్న వారి అడ్రెస్‌ని వివరాలను బిల్లులో చేర్చుతారు.

అలాగే ఎక్కడికైతే షిప్పింగ్ చేస్తున్నారో ఆ ప్రదేశానికి ప్రాతినిధ్యం వహించే రిజిస్టర్ కాబడిన వ్యక్తి యొక్క ఇష్ట ప్రకారం, సామాగ్రిని పంపించాలి.

ముగింపు

అందువల్ల ఈ వే బిల్లు ఇ-వే బిల్లు సిస్టమ్ పై గూడ్స్ సజావుగా రవాణా చేయడానికి మరియు ట్రాకింగ్ చేయడానికి సహాయపడుతుంది. ఇ-వే బిల్లును ఉత్పత్తి చేసే ప్రక్రియలు చిన్న వ్యాపారాలకు కూడా సులభం. వ్యాపారాన్ని చట్టాన్ని అనుసరించడానికి మరియు వస్తువుల సజావుగా కదలడానికి సహాయపడటానికి ఉపయోగించాలి.

తరచుగా అడిగే ప్రశ్నలు

గూడ్స్ మరియు సర్వీసులు రెండింటి కొరకు ఇన్‌వాయిస్‌లు తయారు చేస్తే, కన్‌సైన్‌మెంట్ విలువ ఇన్‌వాయిస్ విలువ ప్రకారం ఉంటుందా లేక గూడ్స్ విలువగా ప్రకారం ఉంటుందా?

గూడ్స్ విలువని కన్‌సైన్‌మెంట్ విలువగా చూస్తారు. ఇందులోకి సర్వీసులను లెక్కించరు. అలాగే, కేవలం గూడ్స్ ని తెలుసుకోవడం కొరకు హెచ్ఎస్ఎన్కోడ్ ఉపయోగించబడుతుంది.

గడువు తీరిన స్టాక్‌ని రవాణా చేసినట్లయితే ఏమి చేయాలి?

అటువంటి సందర్భాల్లో, ఇన్‌వాయిస్‌లు ఉండవు, అయితే డెలివరీ చలాన్ సృష్టించబడుతుంది. గడువు తీరిన స్టాక్ రవాణా చేసేటప్పుడు ఈ-వే బిల్లులను జనరేట్ చేయడం కొరకు డెలివరీ చలానా ఉపయోగించబడుతుంది.

సెజ్/FTWZ నుంచి డిటిఎ అమ్మకాలు జరిగినట్లయితే, ఈడబ్ల్యుబిని ఎవరు జనరేట్ చేస్తారు?

రవాణాను ప్రారంభించిన వ్యక్తి రిజిస్టర్డ్ వ్యక్తి అయి ఉండాలి మరియు ఈ‌వే బిల్లును జనరేట్ చేయాలి.

తాత్కాలిక నెంబరు ఉన్న వాహనాన్ని ఈ-వే సృష్టించడానికి, అలాగే సరుకును రవాణా చేయడానికి ఉపయోగించవచ్చా?

అవును, తాత్కాలిక నెంబరు ఉన్న వాహనాన్ని ఉపయోగించవచ్చు.

ఖాళీ కార్గో కంటైనర్‌ల కొరకు ఈ వే బిల్లులు అవసరమా?

లేదు, ఖాళీ కార్గో కంటైనర్‌ల కొరకు ఈ-వే బిల్లులకు మినహాయింపు ఇవ్వబడుతుంది.

mail-box-lead-generation

Got a question ?

Let us know and we'll get you the answers

Please leave your name and phone number and we'll be happy to email you with information

Related Posts

None

GST నంబర్: ప్రతీ వ్యాపారానికి కావాల్సిన 15 అంకెల నంబర్

1 min read

None

GST ఇన్వాయిస్ ఎక్సెల్ - మీ కంప్యూటర్ నుండే GST అర్హమైన ఇన్వాయిస్‌లను తయారు చేయండి

1 min read

None

డిజిటల్ పేమెంట్స్ చిన్న వ్యాపారులకు వరంగా ఎలా మారాయి?

1 min read