Home ಬ್ಯುಸಿನೆಸ್ ಸಲಹೆಗಳು ಕಿರಾಣಿ ವ್ಯಾಪಾರ ಯಶಸ್ವಿಯಾಗಿಸಲು ಇಲ್ಲಿದೆ ಅತ್ಯುತ್ತಮ ಸಲಹೆಗಳು
Opening a Kirana Store - Khatabook

ಕಿರಾಣಿ ವ್ಯಾಪಾರ ಯಶಸ್ವಿಯಾಗಿಸಲು ಇಲ್ಲಿದೆ ಅತ್ಯುತ್ತಮ ಸಲಹೆಗಳು

by Khatabook

ನಿಮ್ಮ ಇಡೀ ಉದ್ಯಮಶೀಲ ಕನಸು ನನಸಾಗಲು ಭಾರತದಲ್ಲಿ ಒಳ್ಳೆಯ ಅವಕಾಶವಿದೆ. ಹೆಸರಾಂತ ಸಂಸ್ಥೆಗಳಿಂದ ನೀವು ಉತ್ತಮ ಶಿಕ್ಷಣವನ್ನು ಪಡೆಯಬೆಕಾಗಿಲ್ಲ ಅಥವಾ ನಿಮ್ಮ ಕನಸನ್ನು ನನಸಾಗಿಸಲು ಹೆಚ್ಚು ಹಣ ಹೊಂದಿರಬೇಕಾಗಿಲ್ಲ. ನಿಮಗೆ ಬೇಕಾಗಿರುವುದು ಆಕಾಂಕ್ಷೆ, ಕಷ್ಟಪಟ್ಟು ದುಡಿಯುವ ಮನೋಭಾವ ಮತ್ತು ಕಡಿಮೆ ಹಣ. ಹೇಗೆ ಎಂದು ಆಶ್ಚರ್ಯಪಡುತ್ತಿದ್ದೀರಾ? ಈ ಸರಳ ಮಾರ್ಗಸೂಚಿಗಳನ್ನು ಅನುಸರಿಸಿದರೆ ಸಾಕು ನೀವು ಕಿರಾಣಿ ಅಂಗಡಿಯನ್ನು ಪ್ರಾರಂಭಿಸಲು ಸಿದ್ಧರಾಗುತ್ತೀರಿ.. ನಿಮ್ಮ ಉದ್ಯಮಶೀಲತೆಯ ಪ್ರಯಾಣದ ಮೊದಲ ಹೆಜ್ಜೆ ಇದು.

ಕಿರಾಣಿ ಅಂಗಡಿ ಎಂದರೇನು?

ಕಿರಾಣಿ ಅಂಗಡಿಯು ಸ್ಥಳೀಯ ಡಿಪಾರ್ಟ್ಮೆಂಟ್ ಸ್ಟೋರ್ ವ್ಯವಹಾರವಾಗಿದ್ದು, ಇದು ಪ್ರತಿ ಮನೆಯಲ್ಲೂ ಬೇಕಾದ ಎಲ್ಲಾ ರೀತಿಯ ದಿನಸಿ ವಸ್ತುಗಳನ್ನು ಹೊಂದಿರುತ್ತದೆ. ಅವರಲ್ಲಿರುವ ಬಂಡವಾಳದ ಆಧಾರದ ಮೇಲೆ ಒಬ್ಬರು ಅಂಗಡಿಯನ್ನು ಪ್ರಾರಂಭಿಸಲು ಯೋಜಿಸಬಹುದು. ಹೇಗೆ ಪ್ರಾರಂಭಿಸಬೇಕು ಮತ್ತು ಎಲ್ಲಾ ಅಗತ್ಯ ಸಾಮಗ್ರಿಗಳನ್ನು ಮತ್ತು ದಿನನಿತ್ಯ ಬೇಕಾದ ವಸ್ತುಗಳನ್ನು ಇಟ್ಟುಕೊಳ್ಳಲು ಯಾವುದನ್ನೆಲ್ಲ ಅನುಸರಿಸಬೇಕು ಎನ್ನುವುದನ್ನು ತಿಳಿಯಲು ಮುಂದಕ್ಕೆ ಓದಿ.

ಕಿರಾಣಿ ಅಂಗಡಿಯನ್ನು ತೆರೆಯುವುದು ಹೇಗೆ? – ಹಂತ ಹಂತದ ಸೂಚನೆಗಳು

ಹಂತ 1: ಬ್ಯುಸಿನೆಸ್ ಚೌಕಟ್ಟನ್ನು ಹೊಂದಿರಿ

ಮೊದಲು ಪ್ರಥಮಗಳಿಗೆ ಆದ್ಯತೆ.

ನೀವು ಪ್ರಾರಂಭಿಸುವ ಮೊದಲು ಈ ಕೆಳಗಿನ ವಿವರಗಳೊಂದಿಗೆ ಡಿಪಾರ್ಟ್ ಮೆಂಟಲ್ ಸ್ಟೋರ್ ಯೋಜನೆಯನ್ನು ಮಾಡಿ . ಯಶಸ್ವಿ ವ್ಯವಹಾರಕ್ಕೆ ಪ್ರಮುಖವಾದ ಜನರು ಮತ್ತು ಮಾರುಕಟ್ಟೆಯನ್ನು ಅರ್ಥಮಾಡಿಕೊಳ್ಳಿ.

  • ನಿಮ್ಮ ಗ್ರಾಹಕರ ಆದ್ಯತೆಗಳನ್ನು ತಿಳಿಯಿರಿ
  • ಅವರ ಖರೀದಿ ಸಾಮರ್ಥ್ಯವನ್ನು ಗುರುತಿಸಿ 
  • ಅವರ ಆರ್ಥಿಕ ಸ್ಥಿತಿಯ ಬಗ್ಗೆ ತಿಳಿದಿರಲಿ 
  • ಸ್ಪರ್ಧಿಗಳನ್ನು ಮತ್ತು ಅವರ ಗೆಲುವಿನ ತಂತ್ರ ಪರಿಶೀಲಿಸಿ

ಹಂತ 2: ಸ್ಥಳವನ್ನು ಆರಿಸಿ

ಈಗ ನೀವು ಒಂದು ನಿರ್ದಿಷ್ಟ ಪ್ರದೇಶದಲ್ಲಿ ಜನರ ಅವಶ್ಯಕತೆಗಳ ಬಗ್ಗೆ ಸರಿಯಾದ ಕಲ್ಪನೆಯನ್ನು ಪಡೆದುಕೊಂಡಿದ್ದೀರಿ, ಅಂಗಡಿಯ ಸ್ಥಳವನ್ನು ಆಯ್ಕೆ ಮಾಡಲು ಮುಂದುವರಿಯಿರಿ. ನಿಮ್ಮ ಕಿರಾಣಿ ಅಂಗಡಿಯ ಸ್ಥಳವನ್ನು ಆಯ್ಕೆಮಾಡುವ ಬುದ್ಧಿವಂತ ಮಾರ್ಗವೆಂದರೆ ಹೆಚ್ಚಿನ ಜನರು ಬರುವಂತಹ ಸ್ಥಳದಲ್ಲಿ ಅಂಗಡಿ ಇಡುವುದು. ನಗರದಿಂದ ದೂರ ಇರುವ, ದೈನಂದಿನ ವಸ್ತುಗಳನ್ನು ಖರೀದಿಸಲು ದೂರದ ಸ್ಥಳಗಳಿಗೆ ಪ್ರಯಾಣಿಸುವ ಜನರಿರುವ ಜಾಗದಲ್ಲಿ ಅಂಗಡಿ ತೆರೆಯುವುದು ಉತ್ತಮ. ನೀವು ಆಯ್ಕೆ ಮಾಡಿದ ಸ್ಥಳಕ್ಕೆ ಜನರು ಸುಲಭವಾಗಿ ಬರಬಹುದು ಎಂದು ಖಚಿತಪಡಿಸಿಕೊಳ್ಳಿ. ಸುತ್ತಮುತ್ತಲಿನ ಸ್ಪರ್ಧಿಗಳು ಮತ್ತು ಅವರು ಗ್ರಾಹಕರಿಂದ ಗಳಿಸಿದ ಅಭಿಮಾನವನ್ನು ಗಮನದಲ್ಲಿರಿಸಿಕೊಳ್ಳಿ.

ಹಂತ 3: ನಿಮ್ಮ ಹಣವನ್ನು ಯೋಜಿಸಿ

ಒಮ್ಮೆ ನೀವು ಕಿರಾಣಿ ಅಂಗಡಿ ಸ್ಥಳವನ್ನು ಅಂತಿಮಗೊಳಿಸಿದ ನಂತರ, ಆ ಸ್ಥಳದಲ್ಲಿ ನೀವು ಜೀವನ ವೆಚ್ಚವನ್ನು ಅಳೆಯಬೇಕು. ಅದರೊಂದಿಗೆ, ಬಾಡಿಗೆಗೆ ನೀಡಲು ಅಗತ್ಯವಾದ ಹಣಕ್ಕಾಗಿ ನೀವು ಈಗ ಯೋಜನೆ ಮಾಡಬೇಕು. ವಿನ್ಯಾಸ ಮತ್ತು ಮೂಲಸೌಕರ್ಯಗಳ ವೆಚ್ಚ, ಯುಟಿಲಿಟಿ ಬಿಲ್‌ಗಳು ಮತ್ತು ದಾಸ್ತಾನು ಖರೀದಿ ಇತ್ಯಾದಿಗಳನ್ನು ಸಹ ನೀವು ಪರಿಗಣಿಸಬೇಕು. ಫ್ರ್ಯಾಂಚೈಸ್ ಆಗುವ ಇನ್ನೊಂದು ಆಯ್ಕೆಯನ್ನು ಸಹ ನೀವು ಪರಿಗಣಿಸಬಹುದು. ಈ ಸಂದರ್ಭದಲ್ಲಿ, ನೀವು ವಸ್ತುಗಳನ್ನು ಸಿದ್ಧವಾಗಿ ಪಡೆಯುತ್ತೀರಿ ಮತ್ತು ನೀವು ಫ್ರ್ಯಾಂಚೈಸರ್‌ಗೆ ಮಾತ್ರ ರಾಯಲ್ಟಿ ಪಾವತಿಸಬೇಕಾಗುತ್ತದೆ. ಈ ಮಾದರಿಯಲ್ಲಿ ಸಮಸ್ಯೆಗಳೂ ಬರಬಹುದು, ಆದ್ದರಿಂದ ಚೆನ್ನಾಗಿ ತಿಳಿದುಕೊಂಡು ಮುಂದುವರೆದರೆ ಉತ್ತಮ. </ Span>

ಹಂತ 4: ಸ್ಟಾಕ್‌ಲಿಸ್ಟ್ ತಯಾರಿಸಿ 

ನಿಮ್ಮ ಅಂಗಡಿ ಸಿದ್ಧವಾಗಿದೆ ಮತ್ತು ಮೂಲಸೌಕರ್ಯ ಕೂಡ ರೆಡಿ ಆಗಿದೆ ಎಂದು ನಾವು ಗ್ರಹಿಸೋಣ. ಈಗ, ನೀವು ಮಾರಾಟ ಮಾಡಲು ವಸ್ತುಗಳನ್ನು ಸಂಗ್ರಹಿಸಬೇಕು. ಒಂದು ವೇಳೆ, ನೀವು ಅನೇಕ ವಸ್ತುಗಳನ್ನು ಖರೀದಿಸುತ್ತೀರಿ ಆದರೆ ಗ್ರಾಹಕರು ಬರದೇ ಇದ್ದರೆ, ಕಂಪನಿಯ ಲಾಭ ಮತ್ತು ವಸ್ತುಗಳು ಹಾಳಾಗುವ ಬಗ್ಗೆ ಆತಂಕಕ್ಕೆ ಒಳಗಾಗುತ್ತೀರಿ . ಮತ್ತೊಂದೆಡೆ, ನೀವು ಬಹಳ ಕಡಿಮೆ ಸ್ಟಾಕ್ ಅನ್ನು ಇಟ್ಟುಕೊಂಡಿದ್ದರೆ ಮತ್ತು ಗ್ರಾಹಕರು ಹೆಚ್ಚಾದರೆ ಅವರು ಮತ್ತೆ ನಿಮ್ಮ ಅಂಗಡಿಗೆ ಭೇಟಿ ನೀಡಲು ಇಷ್ಟಪಡದಿರಬಹುದು. ಆದ್ದರಿಂದ, ಗೆಲುವು ಸಾಧಿಸಲು ನೀವು ವಿಷಯಗಳನ್ನು ಸಮತೋಲನದಲ್ಲಿಟ್ಟುಕೊಳ್ಳಬೇಕು. ಉತ್ತಮವಾದ ದಾಸ್ತಾನು ನಿರ್ವಹಣಾ ವ್ಯವಸ್ಥೆಯನ್ನು ಬಳಸಿ ಅದು ನಿಮಗೆ ಸಹಾಯ ಮಾಡುತ್ತದೆ

ನಿಮ್ಮ ಕಿರಾಣಿ ಅಂಗಡಿಯ ಲಾಭವನ್ನು ಹೆಚ್ಚಿಸಲು ಟಾಪ್ 5 ಸಲಹೆಗಳು

ನೀವು ಕಿರಾಣಿ ಅಂಗಡಿಯನ್ನು ಪ್ರಾರಂಭಿಸುವ ಪ್ರಥಮ ಹಂತಗಳನ್ನು ದಾಟಿದ್ದೀರಿ. ಆದಾಗ್ಯೂ, ಗ್ರಾಹಕರ ನಂಬಿಕೆ ಗಳಿಸಲು ಸಮಯ ತೆಗೆದುಕೊಳ್ಳಬೇಕಾಗಬಹುದು. ಈ ಕೆಳಗಿನ ಸರಳ ಸಲಹೆಗಳು ನಿಮ್ಮ ವ್ಯವಹಾರವನ್ನು ತಲುಪಲು ನಿಮಗೆ ಸಹಾಯ ಮಾಡುತ್ತದೆ.

  1. ನೋಡಿ ಮತ್ತು ಫೀಲ್ ಮಾಡಿ – ನಿಮ್ಮ ಅಂಗಡಿಯಲ್ಲಿ ಅಗತ್ಯ ವಸ್ತುಗಳೆಲ್ಲ ಸರಿಯಾಗಿ ಕಾಣುವಂತೆ ಇಡಿ. ಅಲ್ಲದೆ, ವಸ್ತುಗಳು ಗ್ರಾಹಕರಿಗೆ ಗೋಚರಿಸುತ್ತವೆಯೆ ಎಂದು ಖಚಿತಪಡಿಸಿಕೊಳ್ಳಿ ಮತ್ತು ಅದನ್ನು ಒಂದೇ ನೋಟದಲ್ಲಿ ಪತ್ತೆಹಚ್ಚಲು ಅಚ್ಚುಕಟ್ಟಾಗಿ ಜೋಡಿಸಿ.
  2. ಕೆಲಸದ ಸಮಯ – ನಿಮ್ಮ ಪ್ರದೇಶದಲ್ಲಿ ವಾಸಿಸುವ ಜನರ ಆಧಾರದ ಮೇಲೆ ನೀವು ನಿಮ್ಮ ಅಂಗಡಿಯನ್ನು ನಿರ್ವಹಿಸಬೇಕು. ಯುವ ಕುಟುಂಬಗಳು ನಿಮ್ಮ ಪ್ರದೇಶದಲ್ಲಿ ಉಳಿದಿದ್ದರೆ ಮತ್ತು ಹೆಚ್ಚಿನ ಜನರು ಹಗಲಿನಲ್ಲಿ ಕೆಲಸಕ್ಕೆ ಹೋಗುವವರಿದ್ದರೆ, ನೀವು ಅಂಗಡಿಯನ್ನು ಸಂಜೆ ಮತ್ತು ಭಾನುವಾರವೂ ತೆರೆದಿರುವುದು ಒಳ್ಳೆಯದು.
  3. ರಿಯಾಯಿತಿಗಳು ಮತ್ತು ಕೊಡುಗೆಗಳು – ಗ್ರಾಹಕರನ್ನು ಸೆಳೆಯಲು ರಿಯಾಯಿತಿಗಳು ಮತ್ತು ಉಡುಗೊರೆ ಕೂಪನ್‌ಗಳನ್ನು ಒದಗಿಸಿ ಮತ್ತು ಗ್ರಾಹಕರು ಶಾಶ್ವತವಾಗಿ ನಿಮ್ಮ ಅಂಗಡಿಗೆ ಬರುವಂತೆ ನೋಡಿಕೊಳ್ಳಿ. ಅಗತ್ಯ ವಸ್ತುಗಳನ್ನು ಉಚಿತವಾಗಿ ನೀಡಲು ಮರೆಯದಿರಿ ಜನರನ್ನು ಮೂರ್ಖರನ್ನಾಗಿಸುವ ಕೊಡುಗೆಗಳಿಂದ ನಿಮ್ಮ ವ್ಯವಹಾರಕ್ಕೆ ತೊಂದರೆಯಾಗಬಹುದು.
  4. ಟೆಕ್ನಲಾಜಿಕಲ್ ಕ್ಯಾಚ್ – ಸ್ಮಾರ್ಟ್ ವ್ಯವಸ್ಥೆಗಳು ಜಗತ್ತನ್ನು ಅಚ್ಚುಕಟ್ಟಾಗಿ ನಿಯಂತ್ರಿಸುತ್ತಿವೆ ಮತ್ತು ನೀವೂ ಸಹ ಅಪ್ ಗ್ರೇಡ್ ಆಗುವುದು ಮುಖ್ಯ.  ಭಾರತ್ QR ಕೋಡ್ ಇದು ಗ್ರಾಹಕರಿಗೆ ಸುಲಭ ಮತ್ತು ತ್ವರಿತ ಪೇಮೆಂಟ್ ವಿಧಾನವಾಗಿದೆ. ರಿಯಾಯಿತಿ ವಿವರಗಳನ್ನು ಹಂಚಿಕೊಳ್ಳಲು ಗ್ರಾಹಕರ ಮೊಬೈಲ್ ಸಂಖ್ಯೆಯನ್ನು ಇಟ್ಟುಕೊಳ್ಳಿ.
  5. ವೈಯಕ್ತಿಕ ಸ್ಪರ್ಶ – ನಿಮ್ಮ ಗ್ರಾಹಕರನ್ನು ವೈಯಕ್ತಿಕವಾಗಿ ತಿಳಿದುಕೊಳ್ಳಿ ಮತ್ತು ನಿಮ್ಮ ಅಂಗಡಿಯಲ್ಲಿ ಲಭ್ಯವಿಲ್ಲದಿದ್ದಲ್ಲಿ ಅವರು ಬಯಸುವ ಬ್ರ್ಯಾಂಡ್‌ಗಳನ್ನು ಒದಗಿಸುವುದಕ್ಕೆ ಉದಾಸೀನತೆ ತೋರಬೇಡಿ. ಇದು ಅವರಲ್ಲಿ ವಿಶ್ವಾಸವನ್ನು ಮೂಡಿಸುತ್ತದೆ ಮತ್ತು ಅವರು ನಿಮ್ಮ ನಿಷ್ಠಾವಂತ ಗ್ರಾಹಕರಾಗುತ್ತಾರೆ.

ಮುಕ್ತಾಯದ ಸಲಹೆಗಳು

ಕಿರಾಣಿ ಅಂಗಡಿಯನ್ನು ಪ್ರಾರಂಭಿಸುವುದು ರಾಕೆಟ್ ವಿಜ್ಞಾನವಲ್ಲ ಮತ್ತು ಅಲ್ಪಾವಧಿಯಲ್ಲಿ ನಿಮ್ಮ ವ್ಯವಹಾರವನ್ನು ಹೆಚ್ಚು ವೃದ್ಧಿಸುವುದು ಸುಲಭವಲ್ಲ ನಿಮಗೆ ಬೇಕಾಗಿರುವುದು ಸರಿಯಾದ ಅಡಿಪಾಯವನ್ನು ಮಾಡುವುದು ಮತ್ತು ವ್ಯವಹಾರವನ್ನು ಪ್ರಾರಂಭಿಸುವುದು. ಆರಂಭಿಕ ದಿನಗಳಲ್ಲಿ ನಿಕಟವಾಗಿ ಕೆಲಸ ಮಾಡಿ ಮತ್ತು ವ್ಯವಹಾರದ ಸುಗಮವಾಗಿಸಲು ಅಡ್ಡಿಯಿರುವ ತೊಂದರೆಗಳನ್ನು ಪರಿಹರಿಸಿಕೊಳ್ಳಿ. ಯಶಸ್ವಿ ರೀಟೇಲ್ ವ್ಯಾಪಾರಕ್ಕಾಗಿ ಒಂದು ಮೂಲ ಮಂತ್ರವೆಂದರೆ ನಿಮ್ಮ ಸ್ಪರ್ಧಿಗಳನ್ನು ತಿಳಿದುಕೊಳ್ಳುವುದು ಮತ್ತು ನಿಮ್ಮ ಗ್ರಾಹಕರೊಂದಿಗೆ ಸಂಪರ್ಕ ಸಾಧಿಸುವುದು. ಕೆಲವು ಪ್ರಯತ್ನಗಳನ್ನು ಹೊಂದಿರುವ ಈ ಸರಳ ಸೂತ್ರವು ನಿಮ್ಮ ಕಿರಾಣಿ ಅಂಗಡಿ ವ್ಯಾಪಾರವನ್ನು ವೃದ್ಧಿಸುತ್ತದೆ.

Related Posts

Leave a Comment